Miguel Loureiro e Diego Villares pasáronse pola zona mixta de ABANCA-RIAZOR.
O defensor deportivista confesa que "estamos amolados. Queriamos seguir con esta boa dinámica. O equipo estaba a facer un traballo espectacular. Tentámolo pero o CD CastellóN púxonos as cousas complicadas. Quizais non estivemos cómodos en ningún momento".
Apunta que a partir de empate "o partido vólvese máis tolo e a xogada a balón parado (o segundo tanto visitante) é un mazazo do que nos custa moito levantarnos".
Loureiro conclúe que "foron superiores. Hai que analizar os erros que cometemos sobre todo nos goles; e seguir traballando coa cabeza fría e con calma para a semana que vén, con outro partido aquí en ABANCA-RIAZOR", en referencia ao choque ante a Real Sociedad B o domingo 14 de decembro ás 14:00 (LaLiga TV Hypermotion).
Pola súa banda, Diego Villares cre que a derrota foi "merecida. Foron superiores, sobre todo na segunda parte".
O mediocentro deportivista afirma que "nos custou interpretar o partido, metémonoS demasiado abaixo. Tamén o seu xogo lévache a iso".
Sostén que a derrota "en calquera momento tiña que chegar. Oxalá que todas as xeiras sexan así".
