Dous partidos abren o calendario de partidos esta semana en #ANOSACANTEIRA.
Mañá xoves 25 de abril ás 18:00 en San Pedro de Visma o Fabril FC Alevín enfróntase ao CD Calasanz en partido correspondente á 5ª xornada disputada a pasada fin de semana da Fase polo Título da Primera A Coruña de fútbol 8.
Os fabrilistas marchan terceiros na táboa após o Sada CF e o Alevín A.
E o venres 26, o Alevín recibe en Abegondo (19:00) á SD Residencia en choque do Trofeo Conservas Calvo de fútbol 11. Os branquiazuis colideran o subgrupo norte igualados a puntos co CD Lugo.
Xa a fin de semana, os dous filiais xogan o domingo en Abegondo.
O Fabril mídese ao Pontevedra CF ás 12:00 (Youtube RC Deportivo) na penúltima xornada en Segunda Federación.
Os fabrilistas, após o épico triunfo (1-2) do pasado sábado ante o Coruxo FC con dous goles no desconto, buscan con 40 puntos selar a permanencia coa referencia da RS Gimnástica de Torrelavega (37 puntos).
O Club activa o protocolo de apertura con rexistro de asistentes da Cidade Deportiva.
Poden retirar entradas dispoñibles, até esgotar as localidades e sen ningún custo adicional, UNICAMENTE os socios e socias do RC Deportivo que o tramiten formalmente a través da web bancada.rcdeportivo.es, na que deberán introducir a súa ID de socio e os 4 últimos números do DNI. A continuación, seleccionar un asento e posteriormente completar os seus datos de contacto e a dirección de correo electrónico onde recibir a entrada.
Con eses mesmos datos doutras persoas socias, unha única pode retirar máis dunha entrada nunha soa xestión e, deste xeito, seleccionar asentos contiguos ou próximos.
Este procedemento ten dous fins: poder solicitar e recibir a entrada e, ademais, levar un control de repartición e localización na instalación.
O RC Deportivo solicita que unicamente tramiten a entrada aqueles socios e socias que vaian poder acudir, para evitar que queden afeccionados sen poder asistir unha vez completado a repartición da bancada nun proceso 100 % telemático.
A xestión pode realizarse até completar os asentos. Para este partido non haberá entradas de público.
Pola tarde, ás 16:15, o Deportivo ABANCA B (2º) recibe ao líder Real Avilés CF.
No filial é baixa Michi Apóstol, concentrada con Venezuela na Fase Final do Campionato Suramericano sub-20 en Ecuador.
#ANOSACANTEIRA recibiu ademais a boa noticia da convocatoria de Lucía Rivas para a Fase Final do Campionato de Europa sub-17 en Suecia no mes de maio.
Portugal, Polonia e Bélxica serán os rivais da selección española e da canteirá deportivista.
O sábado 27 a atención está centrada no encontro do Xuvenil A en Abegondo ante o Real Oviedo (17:30) correspondente á penúltima xornada na División de Honra.
Os branquiazuis son segundos na clasificación con 63 puntos por 64 do Real Racing Club, que a esa mesma hora recibe ao Veriña CF.
Xogan tamén en casa o Orzán SD Cadete Femenino (ás 16:00 na Torre) ante o EF Lalín; o Fabril FC Alevín (ás 9:30 na Torre) ante o Sada CF; e o Benxamín A (ás 9:30 na Torre) ante o UD Carral.
E compiten de visitantes o Orzán SD Infantil A Femenino (ás 9:30 en Ponte dos Brozos) ante o Atlético Arteixo; o Alevín A (ás 10:00 no Anexo das Eiroas) ante o ED Luis Calvo Sanz; e o Fabril FC Benxamín (ás 10:00 no Anexo das Eiroas) ante o ED Luis Calvo Sanz.
Para o domingo, o Orzán SD B sub-16 Femenino, instalado na zona media da Segunda Autonómica, recibe ao Brexo Lema SD (10:00 naTorre).
E fóra de casa o Orzán SD Xuvenil Femenino, empatado a puntos co Bergantiños CF na cabeza da Primera Autonómica, visita ao terceiro, o Tomiño FC Femenino (12:00 horas); o Orzán SD Infantil B Femenino ao Arzúa FCF (11:30); e o Xuvenil B ao Alondras CF (12:00).
Pola súa banda, non haberá liga para Cadete, San Tirso SD Cadete, Infantil e San Tirso SD Infantil debido á disputa da Fase de Plata do Campionato de España por autonomías na Cidade do Fútbol de Las Rozas (Madrid).
Na selección galega sub-16 están citados os cadetes branquiazuis Rodrigo, Íker Fernández, Pablo García, Nico Ruiz e Miguel de Labra; ademais de Samba e Gael, do San Tirso SD Cadete.
Así mesmo, na selección galega sub-14 están convocados os infantís branquiazuis Lucas López, Eder Vilas, Roi, Daniel López, Raúl e Sergio Cortizo; ademais de Antón Vilariño e Hugo Ferreiros, do San Tirso SD Infantil.
O calendario de partidos é o seguinte:
Categoría feminina
28ª xornada: DEPORTIVO ABANCA B - REAL AVILÉS CF, o domingo 28 de abril ás 16:15 en Abegondo
Clasificación da Tercera Federación FutFem: 1. Real Avilés CF, 72 puntos; 2. Deportivo ABANCA B, 63 puntos; 3. Olímpico de León, 51 puntos...
27ª xornada: TOMIÑO FC FEMENINO - ORZÁN SD XUVENIL FEMENINO, o domingo 28 de abril ás 12:00 no campo de O Alivio (Tomiño)
Clasificación da Primera Autonómica: 1. Bergantiños CF e Orzán SD Xuvenil Femenino, 59 puntos; 3. Tomiño FC Feminino, 50 puntos...
27ª xornada: ORZÁN SD B SUB-16 FEMENINO - BREXO LEMA SD, o domingo 28 de abril ás 10:00 na Torre (campo 1)
Clasificación da Segunda Autonómica, subgrupo 1º: ... 6. Sporting Meicende e Xallas FC, 42 puntos; 8. Brexo Lema SD, 39 puntos; 9. SD Antas, 38 puntos; 10. Orzán SD B sub-16 Femenino e UC Cee, 37 puntos; 12. Cultural Maniños, 31 puntos...
27ª xornada: ORZÁN SD CADETE FEMENINO - EF LALÍN, o sábado 27 de abril ás 16:00 na Torre (campo 2)
Clasificación da Liga Galega, subgrupo 1º: 1. Orzán SD Cadete Femenino, 75 puntos; 2. Victoria CF (un partido menos), 66 puntos... 8. EF Lalín (un partido menos), 34 puntos...
27ª xornada: ATLÉTICO ARTEIXO - ORZÁN SD INFANTIL A FEMENINO, o sábado 27 de abril ás 9:30 en Ponte dos Brozos (Arteixo)
27ª xornada: ARZÚA FCF - ORZÁN SD INFANTIL B FEMENINO, o domingo 28 de abril ás 11:30 no campo de O Viso (Arzúa)
Clasificación da Liga Galega, subgrupo 1º: 1. Victoria CF, 70 puntos; 2. Orzán SD Infantil A Femenino, 68 puntos; 3. Racing de Ferrol, 61 puntos... 8. Atlético Arteixo, 34 puntos... 11. Arzúa FCF, 21 puntos; 12. Orzán SD Infantil B Femenino, 18 puntos; 13. AD Cristo Rey, 16 puntos...
Segunda Federación
33ª xornada: FABRIL - PONTEVEDRA CF, o domingo 28 de abril ás 12:00 en Abegondo
Clasificación: ... 2. Pontevedra CF, 64 puntos... 8. Coruxo FC, 42 puntos; 9. Real Avilés Industrial e Real Valladolid Promesas, 41 puntos; 11. Fabril, 40 puntos; 12. Marino de Luanco, 39 puntos; 13. RS Gimnástica de Torrelavega, 37 puntos...
Categoría xuvenil
29ª xornada: XUVENIL A - REAL OVIEDO, o sábado 27 de abril ás 17:30 en Abegondo
Clasificación da División de Honra: 1. Real Racing Club, 64 puntos; 2. Xuvenil A, 63 puntos; 3. RC Celta, 61 puntos; 4. Real Oviedo, 54 puntos...
31ª xornada: ALONDRAS CF - XUVENIL B, o domingo 28 de abril ás 12:00 en O Morrazo
Clasificación da Liga Nacional: 1. Xuvenil B, 78 puntos; 2. RC Celta B, 75 puntos... 12. Alondras CF, 34 puntos...
Categoría cadete
Clasificación da División de Honra: 1. Cadete, 82 puntos; 2. RC Celta, 69 puntos... 5. ED Val Miñor Nigrán, 42 puntos; 6. Salgueiriños CF, 41 puntos; 7. Ural Español CF e San Tirso SD Cadete, 40 puntos; 9. ED Xuventude de Oroso, 39 puntos; 10. CD Lugo, 37 puntos...
Categoría infantil
Clasificación da División de Honra: 1. Infantil, 73 puntos; 2. RC Celta, 68 puntos... 10. UD Santa Mariña e CD Conxo Santiago, 31 puntos; 12. San Tirso SD Infantil, 29 puntos; 13. CD Lugo, 25 puntos...
Categoría alevín
9ª xornada: ALEVÍN - SD RESIDENCIA, o venres 26 de abril ás 19:00 en Abegondo
Clasificación do Trofeo Conservas Calvo de fútbol 11, subgrupo norte: 1. CD Lugo e Alevín, 22 puntos; 3. Ural Español CF e CD Calasanz, 18 puntos... 12. SD Residencia, 3 puntos
6ª xornada: ED LUÍS CALVO SANZ - ALEVÍN A, o sábado 27 de abril ás 10:00 no Anexo As Eiroas (Carballo)
5ª xornada: CD CALASANZ - FABRIL FC ALEVÍN, mañá xoves 25 de abril ás 18:00 en San Pedro de Visma (campo 1)
6ª xornada: FABRIL FC ALEVÍN - SADA CF A, o sábado 27 de abril ás 9:30 na Torre (campo 2.1)
Clasificación da Fase polo Título da Primera A Coruña de fútbol 8: 1. Sada CF, 15 puntos; 2. Alevín A, 12 puntos; 3. Fabril FC Alevín (un partido menos) e San Tirso SD, 6 puntos; 5. CD Calasanz (un partido menos), 3 puntos; 6. ED Luis Calvo Sanz, 0 puntos
Categoría benxamín
6ª xornada: BENXAMÍN A - UD CARRAL, o sábado 27 de abril ás 9:30 na Torre (campo 1.1)
6ª xornada: ED LUÍS CALVO SANZ - FABRIL FC BENXAMÍN, o sábado 27 de abril ás 10:00 no Anexo As Eiroas (Carballo)
Clasificación da Fase polo Título da Primera A Coruña: 1. Benxamín A, 15 puntos; 2. Victoria CF, 12 puntos; 3. Fabril FC Benxamín, 9 puntos; 4. ED Luis Calvo Sanz, 6 puntos... 6. UD Carral, 0 puntos
