Como é habitual dous días antes de cada partido, José Luis Martí rebaixou esta mañá a intensidade do adestramento do Deportivo.
Así, os futbolistas branquiazuis, hoxe ademais co fabrilista Montiel, xogaron ao fútbol-tenis e acabaron con rondos no campo 3.
De regreso aos vestiarios, houbo ximnasio e paso pola padiola dos fisioterapeutas.
Mañá sábado 11 de maio, o Dépor adestrarase en ABANCA-RIAZOR a partir das 11:00 horas, a porta pechada. Será o último adestramento previo ao choque ante o Cádiz CF, este domingo 12 de maio (16:00 horas, Movistar Partidazo).
