Hoxe en Depor Sport ...<br>De Guzman ponse a que pronto será a súa nova camiseta
O Deportivo pechou onte a contratación do centrocampista canadense Julián de Guzmán (23 anos), que asinou un contrato de catro anos co club coruñés. O mediocentro defensivo milita nas filas do Hannover 96 alemán e non se incorporará á disciplina do conxun
O futbolista asinou onte o seu contrato aínda que as negociacións co club coruñés remóntanse a hai varias semanas. De Guzmán coincidiu no Hannover cos ex deportivistas Jaime, José Manuel e Fernando, que xogaron cedidos no equipo teutón. Tamén con Richard Moar, asesor do presidente Augusto César Lendoiro, que ocupou a secretaria técnica do Hannover durante dúas tempadas e reincorporouse na actual campaña á disciplina deportivista. Os seus informes e a boa relación que lle une ao futbolista, que ocupará praza de extracomunitario, foron determinantes para que o mediocentro aceptase a oferta coruñesa. Varios clubs europeos pugnaron ata o último momento por facerse cos seus servizos. Os que máis interese demostraron foron o Tottenham inglés e o Feyenoord holandés. De Guzmán chegou ao Hannover 96 no ano 2002 procedente do Saarbruckem, equipo que milita na Segunda División alemá. Non tardou máis de dous meses en facerse coa titularidade indiscutible no seu actual conxunto, co que aínda disputará o que resta de tempada.
Un home feliz
Julián de Guzmán era onte un home feliz. Nada máis pecharse a súa fichaxe polo
Depor, o canadense mostrou a súa satisfacción por poder lucir as cores de "un
grande de Europa" a partir do próximo día 1 de xullo. "A liga española sempre
foi o meu soño. Quero medirme con grandes xogadores e en España están os
mellores", dixo o futbolista. Desde Alemaña, De Guzmán seguirá coa máxima
atención o desenvolvemento da liga española. "Sei que este ano ao Deportivo lle vai
regular e non está tan arriba como nas últimas campañas, pero segue sendo un
grande do fútbol español", explica. Julián coñece ben o potencial do
persoal branquiazul. Dos que serán os seus compañeiros, "sei que son todos
grandísimos xogadores?, comenta. Hai anos que De Guzmán segue as xestas do
Deportivo. De feito, o histórico triunfo no Olímpico de Munich foi para el
algo especial. "Sorprendeume cando eliminou ao Bayern, gañando mesmo no
Olímpico. Desde entón, teño fixación por este equipo. Xogar no Depor era
o meu soño", confesa.
A nova incorporación deportivista ten moi boas referencias do club que posuirá os seus dereitos a partir do próximo verán. Jaime Sánchez, agora no Albacete, coincidiu con el en Hannover. "Somos moi amigos", explica Julián. De momento, apenas balbucea algunha palabra en lingua hispana, pero xa lanza unha mensaxe: "Prometo estudar para chegar á Coruña falando español". De Guzmán compartiu as últimas horas con Richard Moar, asesor do presidente Augusto César Lendoiro e ex secretario técnico do Hannover. Richard coñece ben ao xogador e asegura que a súa incorporación supón un gran reforzo para o Depor. "O rapaz ten unha ilusión tremenda. Para dar o salto tivo que gañarllo con suor", explica Moar. Segundo el, De Guzmán é un auténtico gañador. "É un xogador de mentalidade moi competitiva. Os domingos rende igual que nos adestramentos. É valente, non se esconde. Dálle igual xogar contra un pequeno que contra un grande", explica desde Alemaña. Sobre as cualidades do centrocampista, Moar destaca a súa polivalencia. "É un xogador técnico e fisicamente moi dotado, aínda que é baixiño. É rápido e resistente, unha combinación que non se dá moito. Non perde a concentración e tácticamente é moi disciplinado e coherente co sistema que lle aplica o adestrador. Pode xogar e render en varias posicións. A súa especialidade é o mediocentro, e está capacitado para facer de Duscher ou de Sergio. É moi sacrificado, un auténtico xogador de equipo", engade.
Eloxios do seu actual adestrador
O adestrador do Hannover, Ewald Lienen, coñece ben as virtudes de Julián de Guzmán.
"É moi forte, hábil e agresivo. Para nós foi unha peza crave
no noso mediocampo defensivo. É un recuperador que sabe manexar moi ben o
balón", comenta. Segundo o técnico, a nova fichaxe do Depor "non é só un
destrutor". "Ten habilidade, conduce e regatea ben?, engade. Lienen eloxia
tamén a súa chegada: "De cando en vez sobe e incorpórase polas dúas bandas.
Sabe subir á área". "É un xogador novo e pode mellorar, pero estou seguro de que
vai triunfar no Depor porque ten condicións para destacar en calquera
equipo", confesa. "Tentamos retelo e renovarlle pero non puido
ser. A súa intelixencia para roubar sen cometer faltas é difícil mellorala. É un
dos mellores centrocampistas da Bundesliga", conclúe.
Christiansen: "É unha gran persoa"
O dianteiro español Thomas Christiansen seguirá compartindo vestiario con Julián
de Guzmán ata o termo desta tempada. Ambos son pezas craves do
Hannover. O ariete eloxia a calidade humana e profesional do canadense. "Ante todo,
é unha gran persoa. Dentro do campo, é un pedazo de futbolista. Ten
moita forza, é peleón e ten un gran chute. A pesar da súa estatura vai ben de cabeza.
Ten mocidade, ganas e calidade para triunfar no Depor", explica.
Thomas cre que De Guzmán pode encher o baleiro que deixe Mauro. "Pode ser a súa
substitución, aínda que hai que darlle tempo". Polo demais, Christiansen faise eco da
felicidade do centrocampista por poder vestir a camiseta dun equipo
importante. "El está moi contento por fichar polo Dépor, porque sabe
que é un dos grandes do fútbol español. Aquí sempre foi titular
indiscutible e oxalá triunfe na Coruña, porque llo merece", engade.