Información actual dos servizos médicos: Amavisca, Sampaio, Molina e Mauro
Ás 15.00 de hoxe o xogador Emilio Amavisca Garate terminou o recoñecemento físico-médico, composto de analítica sanguínea, rexistros radiológicos, cardiología, probas motoras e revisión artro muscular. Mostrou unha gran aptitude físico-deportiva, moi adec
O xogador Cesar Sampaio continúa a súa recuperación, desenvolve 2 sesións de traballo diario baixo o programa deseñado polo Dr. Borrel e os servizos médicos do R. C. Deportivo. Despois de ser intervido nos tendóns de aquiles comezou a fase de readaptación física ao adestramento, xa corre máis de 20 minutos e realiza exercicios co balón. Todo este programa realizouno en diversas fases e escenarios, ultimamente en Barcelona e agora en Brasil.
Incorporarase o 22 de Xullo con todo o persoal, pasando revisión polo Dr Borrel e os servizos médicos do Club, e así programar a súa progresiva incorporación ao adestramento co grupo.
O xogador José Francisco Molina Jiménez foi intervido o 18 de Xuño dun nódulo testicular intra capsular, sen ningún factor de mal prognóstico. Foi dado de alta hospitalaria o 19 de Xuño. E de Alta Médica definitiva o 9 de Xullo. Incorporarase á pretemporada o 22 de Xullo, como os demais xogadores do persoal do R. C. DEPORTIVO.
A Confederación Brasileira de Fútbol informou ao R.C. Deportivo sobre o diagnóstico e tratamento que o xogador Mauro Silva seguiu desde que sufriu un sobreestiramiento muscular nun dos adestramentos previos ao encontro con Uruguai. O xogador evoluciona favorablemente.