#ANOSACANTEIRA volve estar no punto de mira das categorías inferiores da selección española.
Se recentemente Kevin Sánchez participaba coa selección española sub-18 en dous partidos amigables ante Suíza na Ciudad del Fútbol de Las Rozas, a quenda tocoulle agora a José Rey Bienose (O Incio, Lugo, 27 de setembro de 2007), citado pola selección española sub-16 para o Torneo Internacional Albir Garden na localidade alacantina de Alfaz del Pí, desde o mércores 23 ao domingo 27 deste mes.
Comparten o cartel cos españois Estados Unidos, Xapón, Gales, Bélxica, Inglaterra, México e Alemaña.
José Rey pertence ao cadro do Cadete, que lidera a División de Honra con 5 puntos de vantaxe sobre o 2º clasificado, o RC Celta. Esta temporada, suma 4 goles.
O atacante branquiazul incorpórase á concentración de España hoxe luns 21 de novembro e emprenderá viaxe de regreso o domingo 27.
España debuta o mércores 23 ás 11:00 ante Estados Unidos no Estadio Olimpic Camilo Cano da Nucía. En función do resultado, terá outros rivais o venres 25 e o domingo 27.
