RCDeportivo RCDeportivo RCDeportivo
Skip to main content
PORTADA

Louzao e o Real Club Deportivo manteñen o seu vínculo unha temporada máis

Como vén sucedendo ininterrompidamente desde 2014, Louzao, concesionario oficial Mercedes–Benz na Coruña, é o provedor dos Vehículos Oficiais do Real Club Deportivo. O prestixioso concesionario coruñés, con implantación en boa parte de Galicia, prové os automóbiles de representación para o Club, como o que nas últimas horas recolleu o técnico deportivista Natxo González, e de servizo tanto turismos como vehículos de carga e transporte de pasaxeiros.

A frota de automóbiles da marca Mercedes están destinados a cubrir as necesidades do Club, especialmente mediante os seus vehículos industriais, como as furgonetas Citan ou as Vito ou clase V, perfectas para o traslado de material e de persoas entre as diferentes instalacións do Dépor e de xogadores das categorías inferiores desde os seus lugares de orixe.

O acordo continúa dando presenza de imaxe nos soportes publicitarios e a través das canles de comunicación do Club, a unha das marcas máis prestixiosas do mundo do automóbil e a un dos concesionarios con máis tradición da cidade.