Lucas Noubi está concentrado coa selección de Bélxica sub-21 para dous partidos nesta xanela FIFA.
O primeiro deles xogouse este venres 27 de marzo ante Austria, clasificatorio para o Campionato de Europa da categoría, no The King Power Stadium na localidade belga de Lovaina.
O central deportivista xogou completo un partido que finalizou con triunfo belga por 1-0.
É máis, aos 2 minutos Lucas Noubi xa disparara a portería.
Con este resultado, Bélxica sub-21 suma 10 puntos e sitúase á fronte do Grupo I.
O segundo choque para o futbolista branquiazul co seu equipo nacional é de carácter amigable e xogarase o luns 30 ante Países Baixos no Seacon Stadium en Veno (Países Baixos).
Lucas Noubi incorporouse o pasado luns 23 de marzo á concentración do equipo nacional e, por este motivo, será baixa no encontro do Dépor ante o Sporting de Gijón no Estadio de El Molinón - Enrique Castro 'Quini' previsto para este sábado 28 de marzo ás 21:00 horas (LaLiga TV Hypermotion, TVG, GOL e Cayo TV).
