Lucía Rivas debuta na selección española sub-16 con triunfo ante Bélxica no inicio do Torneo Desenvolvemento UEFA de Finlandia
Lucía Rivas está concentrada coa selección española sub-16 con motivo dun Torneo de Desenvolvemento UEFA en Finlandia que ten lugar desde hoxe venres 26 ao mércores 31 de maio.
España mediuse hoxe a Bélxica no primeiro partido e venceu por 3-0, con goles de Iris Ashley, Anna Guer e Emma Moreno. A atacante branquiazul debutou neste combinado nacional ao xogar a última media hora de encontro.
A segunda cita deste torneo será o domingo 28 ás 13:00 (hora local, 12:00 na Península) na que a selección española sub-16 enfróntase á anfitrioa, Finlandia.
O calendario de España, cos resultados dos xa xogados, é o seguinte:
Venres 26 de maio ESPAÑA 3 - BÉLXICA 0
Domingo 28 de maio 13:00 (hora local, 12:00 na Península): ESPAÑA - FINLANDIA, no Eerikkilä Sport & Outdoor Resort
Mércores 31 de maio 10:00 (hora local, 9:00 na Península): TURQUÍA - ESPAÑA, no Eerikkilä Sport & Outdoor Resort
Lucía Rivas, con ficha cadete do Orzán SD e titular no Deportivo ABANCA B de Primeira Nacional, é un dos membros de #ANOSACANTEIRA que esta temporada se atopan no radar das categorías inferiores da selección española, ademais de Manu Berrocal e Kevin Sánchez (sub-18), Elena Vázquez (que disputou estes días o campionato de Europa sub-17), José Rey (sub-16) ou Pablo García (sub-15).