Lucía Rivas está concentrada coa selección española sub-16 con motivo dun Torneo de Desenvolvemento UEFA en Finlandia que terá lugar desde mañá venres 26 ao mércores 31 de maio.
A canteirá deportivista mídese mañá a Bélxica no primeiro partido, ás 13:00 (12:00 na Península) no Eerikkilä Sport & Outdoor Resort.
Os rivais de España no torneo, ademais das belgas, son a anfitrioa Finlandia e Turquía, con este calendario:
Venres 26 de maio
13:00 (hora local, 12:00 na Península): ESPAÑA - BÉLXICA, no Eerikkilä Sport & Outdoor Resort
Domingo 28 de maio
13:00 (hora local, 12:00 na Península): ESPAÑA - FINLANDIA, no Eerikkilä Sport & Outdoor Resort
Mércores 31 de maio
10:00 (hora local, 9:00 na Península): TURQUÍA - ESPAÑA, no Eerikkilä Sport & Outdoor Resort
Lucía Rivas, con ficha cadete do Orzán SD e titular no Deportivo ABANCA B de Primeira Nacional, é un dos membros de #ANOSACANTEIRA que esta temporada se atopan no radar das categorías inferiores da selección española, ademais de Manu Berrocal e Kevin Sánchez (sub-18), Elena Vázquez (que disputa estes días o campionato de Europa sub-17), José Rey (sub-16) ou Pablo García (sub-15).
