Luismi Cruz iniciou este mércores 10 de decembro co grupo unha nova semana de competición do Dépor que concluirá o sábado 13 de decembro ás 21:00 (LaLiga Hypermotion) en ABANCA-RIAZOR ante a Real Sociedad B.
Do mesmo xeito que o atacante gaditano, que entra na recta final da súa recuperación, tamén fan tarefas cos seus compañeiros Ximo Navarro e Daniel Bachmann.
Ademais deles, Sergio Escudero segue co seu plan específico de traballo.
Após pasar pola sala de vídeo, os futbolistas realizaron unha activación con roda de pases e finalizacións no campo 3.
A continuación, e con menos tempo do previsto polo adiantamento do partido ante a Real Sociedad B ao sábado, Antonio Hidalgo comezou a perfilar o plan de xogo ante os realistas no campo 2.
Mario Soriano, en rolda de prensa, subliñou que "poña quen poña o míster imos ir a polos 3 puntos".
A sesión concluíu cunha tarefa de fútbol reducido, de alta intensidade.
Ao atacante madrileño non lle afecta o cambio de día e hora: "A min non me molesta. De feito prefiro que sexa antes porque o partido chega antes".
Hugo Ríos, Samu, Fabi, Quique Teijo e Noé foron os representantes de #ANOSACANTEIRA.
Este xoves, Os Nosos adestraranse de novo no Dépor Training Center a partir das 10:30 horas.