LVIII Teresa Herrera<br>Vitoria e trofeo para o Deportivo
O Deportivo impúxose con autoridade ao Nacional de Montevideo no terceiro e definitivo encontro do Trofeo Teresa Herrera. Tres auténticos golazos dos de Irureta deixan a Torre de Hércules na cidade. Pandiani, Valerón e Amavisca foron os autores dos tantos
Un gol de Pandiani a pase de Amavisca inaugurou o marcador de Riazor no primeiro tempo e sinalaba o camiño a seguir para conseguir a undécima Torre para o Deportivo. No segundo tempo Valerón, tamén a pase de Amavisca, e o propio xogador cántabro anotaban os outros dous goles aínda que o Deportivo dominou con claridade e dispuxo de diversas ocasións, estrelando dous balóns na madeira.
Finalmente, vitoria, boas sensacións e goles branquiazuis nun dos últimos tests antes de disputar a ida da previa de Liga de Campións o vindeiro mércores en Trodnheim.
É o sexto trofeo Teresa Herrera para Javier Irureta, cinco conseguidos como adestrador e un máis como xogador.
Juanmi, Héctor, Andrade, Djorovic, Capdevila, Mauro, Duscher, Víctor, Pandiani, Amavisca e Tristán son os titulares do Deportivo no terceiro partido do LVIII Trofeo Teresa Herrera.
Munúa, Wesley, Curbelo, Benoit, Machado, Eguren, Scotti, Morais, Rodríguez, Dely e Peralta integran o once do Nacional.
