Manu Sotelo, relator no primeiro Congreso Internacional do Adestramento do Porteiro

Manu Sotelo, preparador de porteiros do RC Deportivo, será un dos relatores hoxe venres no primeiro Congreso Internacional do Adestramento do Porteiro, que se celebra en Madrid.

As xornadas, que se prolongarán ata o domingo, están organizadas por Zero Gravity, centro de asesoramento e formación de alto rendemento dirixido a porteiros e adestradores de fútbol. O técnico deportivista, que goza de gran prestixio no fútbol español, falará sobre a "Dinámica competitiva: elementos e adestramento" e a "Relación entre detonantes e deseño de tarefas".