O mozo xogador fabrilista, un claro expoñente da canteira coruñesa
MANUEL: PENSO VIVIR ALGÚN DÍA DO FÚTBOL
Ten imaxe de ?enfant terrible?. A súa mocidade, tan só 21 anos, é unha das súas grandes cualidades ás que tenta sacar todo o partido posible. De fácil palabra e sempre amable, Manuel Alfredo Mosquera Bastida mostrouse sempre disposto á realización desta entrevista que mantivemos ao pé do propio estadio de Riazor. (...)
-Cales son as aspiracións do Fabril esta tempada?
-Como sempre, é de esperar que ao final ocupemos os postos altos da táboa. Hai anos que da liga Nacional soben máis rapaces que veteranos quedan. Esta tempada abundan máis os veteranos que xente nova.
-Canto tardaremos en ver a Manuel coa camiseta do primeiro equipo?
-Iso non o teño que decidir eu. Está claro que estou a facer e farei todo o posible para que ese momento chegue canto antes.
-O Real Club Deportivo coida a canteira como se merece?
-Non. Deberíaa coidar moito mellor. De todos os xeitos, van progresando moito respecto doutros anos.
-Manuel, es dos que xoga por diversión ou o fas pensando en vivir algún día do fútbol?
-De momento, penso en vivir algún día do fútbol. Pero bo, estou mentalizado en que este deporte é moi difícil.
-Quen foi a persoa que máis che axudou nestes primeiros compases da túa vida deportiva?
-Á parte do meu pai tiven varios adestradores que me axudaron moito, aínda que de Luís Ucha gardo un grato recordo.
