Marchena, con gastroenterite, deixa o seu lugar na convocatoria para Xirona a Luís Fernández

Esta mañá, o primeiro equipo realizou a última sesión desta campaña. Con Wilk de vacacións, Sissoko cos fisioterapeutas e Marchena no seu domicilio enfermo, Ifrán retirouse minutos antes por precaución, cunhas molestias nun glúteo.

Punto e final hoxe ao traballo desta tempada 2013-14 en Abegondo. Foron un total de 292 adestramentos desde que o equipo arrincou á pretemporada pasada, o 5 de xullo de 2013. Fernando Vázquez quixo celebralo cunha foto de familia.