-Foto:@rfef.es
Mauro Valeiro foi titular este domingo 1 de marzo no partido do Xuvenil A ante o CD Lugo após proclamarse campión coa selección española sub-17 do torneo internacional do Algarve (Portugal).
Os rivais do combinado nacional foron Portugal, Alemaña e Finlandia.
No primeiro encontro ante Portugal o canteirán deportivista seguiu desde o banco un partido que finalizou con igualada (1-1).
Ante Alemaña, Mauro Valeiro foi titular no triunfo español por 3-2. O deportivista foi substituído no minuto 75 por Eloi Gómez.
A selección española sub-17 concluíu o Torneo do Algarve con goleada por 0-7 a Finlandia e título de campión.
O futbolista do Xuvenil A saltou ao campo no minuto 57 en substitución de Roberto Tomás.
Os resultados de España sub-17 foron os seguintes:
Venres 13 de febreiro
PORTUGAL 1 - ESPAÑA 1
Domingo 15 de febreiro
ESPAÑA 3 - ALEMAÑA 2
Mércores 18 de febreiro
FINLANDIA 0 - ESPAÑA 7
O centrocampista coruñés, que chegou a ANOSACANTEIRA no primeiro ano de benxamíns na temporada 2017-18, xa sabe o que é ir citado pola selección española sub-15 e sub-16.
Mauro Valeiro suma a día de hoxe 19 partidos co Xuvenil A na División de Honra, 15 deles como titular; nos que anotou 2 goles.
