"En canto á venda de entradas por parte de ambos os clubs finalistas, a RFEF, en atención á normativa vixente, establece os seguintes requisitos:
a) Os clubs finalistas deberán confeccionar unha relación na que se detalle o nome, apelidos e DNI ou outro documento con efectos indicativos, das persoas adquirientes das localidades así como o número de localidades adquirido por cada unha delas e a identificación de cada unha das localidades adquiridas.
b) Nin os clubs finalistas nin os adquirientes das entradas poderán transferilas a axencias de viaxes, tour operadores ou outros axentes e intermediaros que puidesen facer un uso comercial das mesmas.
c) As relacións a que se refire o anterior apartado a) estarán a disposición da Delegación do Goberno de Madrid ou de calquera outra autoridade competente que o solicite. Os datos persoais incluídos nas mencionadas relacións non poderán ser utilizados con fins comerciais nin incorporados a bases de datos, con absoluto respecto da normativa vixente en materia de protección de datos de carácter persoal."
Os clubs serán responsables e coidarán de que todas as localidades que lles foron asignadas non sexan adquiridas por seguidores ou afeccionados do opoñente. A estes efectos é aconsellable o establecemento de mecanismos de control que eviten que a venda ou entrega das referidas entradas efectúese a través de institucións, persoas ou instalacións alleas ao propio club.
A RFEF resérvase o dereito de rexeitar o acceso ao estadio aos seguidores dun dos clubs finalistas que presenten entradas correspondentes ás zonas asignadas aos seguidores do club opoñente.
Ambos os clubs deberán remitir a esta RFEF antes das 18:00 horas do 28 de febreiro a listaxe dos adquirientes das súas respectivas entradas , co fin de que a RFEF faga entrega dos mesmos aos representantes da Delegación de Goberno de Madrid con ocasión da reunión de seguridade que terá lugar o 1 de marzo de 2002."
Ante isto, o Real Club Deportivo adoptou as seguintes medidas:
1.- Os socios do Real Club Deportivo poderán reservar as súas entradas este xoves e venres nos locais da Mariña.
2.- A partir do venres pola tarde os non socios poderán comprar a súa entrada, se aínda quedasen dispoñibles, nos despachos de billetes do Palacio dos Deportes (máximo tres por persoa).
3.- Os socios poderán realizar o troco de recibos por entradas a partir do próximo luns 25 nas oficinas da Mariña. Para evitar aglomeracións, anunciarase a orde de entrega das entradas por distintas localidades en días diferentes.
