Mellora cada día o Dépor, que avanza a oitavos de final na Copa do Rei
Un pasito más do Deportivo, cada vez con más confianza no seu xogo. Esta noite sumó o seu terceiro triunfo consecutivo (dous de Liga ante Espanyol e Levante e o de hoxe de Copa) e eliminó ao Osasuna (2-1) dos dezaseisavos de fi
O partido desta noite deixa varias lecturas. En primeiro lugar, a mocidade coa que Lotina afrontou esta rolda e que deixou constancia da súa valía: Seoane, Juan Domínguez, Rochela, Rubén Pérez baixaron moito a idade media do once de Riazor. En segundo lugar, a dianteira. Dous dos arietes do equipo, Riki e Lassad, marcaron a Osasuna. Aos poucos o tempo vaille dando a razón a Lotina, quen non se cansou de repetir nas súas comparencias públicas que estaba moi contento cos dianteiros do equipo. E en terceiro lugar, durante a mala serie de resultados cos que o equipo comezou a liga, falouse sempre nas roldas de prensa de saber competir. Hoxe o Dépor soubo competir, coas súas virtudes e os seus defectos, como calquera equipo de fútbol. Pero competiu. E éso moitas veces basta para superar ao rival.
O choque de todos os xeitos foi igualado, cun Osasuna que veu claramente a pasar a eliminatoria a pesar do 1-1 do Reyno de Navarra. Só os pequenos detalles (na ida o gol do empate de Saúl e esta noite a expulsión de Sergio por dobre amarela ou o acerto no remate branquiazul) decidiron o pase.
Saíu Osasuna ao céspede de Riazor dominador. O Deportivo, coa súa liña de cinco xa talismán, viuse obrigado a agardar en mediocampo as arremetidas iniciais navarras, sen angustiar tampouco a Manu. Os deportivistas saíron cun once inédito, no que Juca, Juan Rodríguez e Juan Domínguez levaron o mango en mediocampo. Quería Lotina dosificar a homes como Lopo, Adrián (estes nin entraron na lista) ou Rubén Pérez e Colotto (suplentes de inicio). Pero o fútbol dispón. Rubén viuse obrigado a entrar por Juca á media hora de partido; e Colotto na recta final relevou ao tamén tocado Ze Castro.
Ao descanso chegouse con 0-0 e con moita igualdade. Todo podía pasar.
Na segunda parte adiantouse o Dépor. Valerón despraza á banda un rexeite da defensa navarra. Ze Castro, que sempre cae a banda tras sáquelos de esquina ou de falta, colga un balón da raia perfecta para que Riki marque de cabeza. Pouco despois, Sergio, que volvía ao once de Osasuna tras superar unha lesión de xeonllo, deixaba ao seu equipo en inferioridade numérica. O Dépor dedicouse a tocar e tocar a pelota, co que parecía bastar. Con todo, Camacho comezou a sacar xente alta e de ataque (Masoud, Soriano ou Kike Soa). Nunha indecisión da zaga branquiazul, Lekic anotou o empate que forzaba a prórroga.
A ilusión visitante durou pouco, posto que apenas tres minutos máis tarde, Lassad, que relevara a Riki, reencontrouse co gol que deu o pase a oitavos de final.
A partir de aí Osasuna empuxou a base de balóns colgados e mesmo gozou dunha boa oportunidade no desconto nun balón que quedou morto na área deportivista. Finalmente sacou a defensa coruñesa, pondo punto e final ao partido.
Ao final, triunfo do Dépor (2-1) e a oitavos de final de Copa. O domingo 14 de novembro ás 17.00 toca pensar na liga, coa visita o Iberostar de Palma de Mallorca.
Deportivo: Manu; Seoane, Rochela, Aythami, Zé Castro (Colotto, m. 74), Morel; Juan Domínguez, Juan Rodríguez, Juca (Rubén Pérez, m. 28), Valerón; e Riki (Lassad, m. 54).
Osasuna: Risco; Nelson, Sergio, Josetxo, Monreal; Juanfran (Soriano, m. 67), Lolo, Nekounam, Quella (Kike Soa, m. 67); Vadocz e Lekic (Masoud, m. 82).
Goles: 1-0, m. 53: Riki; 1-1, m. 62: Lekic; 2-1, m. 64: Lassad.
Árbitro: Fernández Borbalán, do colexio andaluz. Expulsou por dobre amarela ao defensa de Osasuna Sergio. Ademais, mostrou amarela á navarro Quella e ao deportivista Juan Domínguez.
