-Foto:@https://www.fvf.com.ve/
Michi Apóstol (na foto de pé a segunda futbolista empezando pola dereita) está concentrada coa selección de Venezuela para dous partidos correspondentes á CONMEBOL Liga de Naciones.
A canteirá deportivista participou no empate sen goles ante Chile. Arrincou o choque no banco e no minuto 66 saltou ao céspede en substitución de Joemar Guarecuco.
Este martes 28 de outubro ás 20:00 (00:00 horas do mércores 29 en Galicia), Venezuela visita Paraguai nun partido que se xogará no Estadio La Huerta.
O calendario de partidos de Michi Apóstol, cos resultados dos xa xogados, é o seguinte:
Venres 24 de outubro
VENEZUELA 0 - CHILE 0
Martes 28 de outubro
20:00 (hora local, 00 do mércores 29 en Galicia): PARAGUAI - VENEZUELA, no Estadio La Huerta en Asunción
Finalizado este encontro, Michi Apóstol emprenderá viaxe de regreso á Coruña.
Até a data, a atacante deportivista participou en 6 partidos co Dépor ABANCA B en Segunda Federación e anotou 2 goles. Así mesmo, foi convocada noutros 3 co Dépor ABANCA en Liga F aínda que non chegou a saltar ao terreo de xogo.
