Mosquera: ''para calquera coruñés é un partido dos grandes''

Cre Mosquera que "queda moitísima liga, non é (o derbi) o partido máis importante do ano, pero é un partido que animicamente nos pode dar un plus, e ademais a xente irse contenta do campo, que xa fai falta que Riazor viva unha vitoria en casa".

 

Desexa Mosquera que o derbi do sábado 21 de novembro (22.05, TVE1) en Riazor ante o Celta "sexa o primeiro de moitos e que consigamos un bo resultado, que é o importante".

 

Chamoulle sempre a atención dos derbis pasados, moitos seguidos por Pedro Mosquera a través da televisión, "o ambiente que había sobre todo fose do campo, o estadio cheo, a xente animando máis que nunca. É un partido moi especial, cada xogada vívese con moita intensidade, cada ocasión, cada acción defensiva, ofensiva... Tennos que axudar para dar o cento por cento ou mesmo un plus máis do que vimos facendo".

 

Do Celta, opina que "é un bo equipo, temos que estar atentos de todo o que nos poidan facer, e nos puntos fortes que teñan eles que non nos fagan dano".

 

Asegura que o equipo non debe illarse da bancada, "temos que facer que a bancada sexa partícipe do partido, que nos apoie todo o intre, e sentir esa xente que está no campo, que todo o que nos transmite, esa forza e esas ganas de gañar, axúdenos para facelo no campo. Ese plus que nos poida dar a bancada achegalo ao campo".