Mosquera: Sempre tivemos os pés na terra. Sabemos que non vai ser fácil
Pedro Mosquera reconoció esta mañana en rolda de prensa en Abegondo que o encontro do pasado sábado en Málaga "non foi o noso mellor partido nin moito menos. Eles o que tiveron aproveitárono e... bo, é un partido que canto
Cre que "empezamos o partido (na Rosaleda) bastante imprecisos, con balóns por malos golpeos. A partir desas imprecisións foi todo unha cadea. A verdade é que non foi un bo partido e son partidos que pasan así. Ás veces non saen as cousas".
O centrocampista coruñés advirte que "nós os pés sempre os tivemos na terra. Nós sabemos o que temos que facer, sabemos que non vai ser fácil a tempada. De momento está a ir moi ben. Estamos na sexta posición pero sabemos que os equipos tamén apertan, teñen necesidades e sobre todo fóra de casa vai ser moi difícil sumar".
Lembra Pedro Mosquera que "levamos nove partidos e só perdemos dous. É un bo balance. O que si hai que saber é que os erros que podamos cometer, tratar de melloralos e pór máis concentración niso".
O venres (20.30 horas, Canle + Liga / Abono Fútbol) chega, segundo o '5' branquiazul, un Atlético de Madrid que "lle mete moita intensidade ás accións e imos ter que meterlle a mesma intensidade ou máis que eles".
