Nuria Rábano, Yamamoto e Érika, que regresan após superar as súas molestias físicas; e as canteirás Sofía e María Calvo son as novidades na lista de convocadas do Deportivo ABANCA para o compromiso ligueiro de mañá domingo 3 de febreiro (17:00 horas) en Abegondo ante o Atlético Arousana, en choque correspondente á 17ª xornada no grupo 1º de Segunda División Nacional.
Completan a citación de Manu Sánchez: Curbelo, Miralles, Cris, Iris, Gaby, Peke, Teresa, Michelle Romero, Silvia Mérida, Ali Muñoz, Laura, Raquel e Alba Merino.
Como é habitual, os socios teñen libre acceso á Cidade Deportiva. Para o público, a entrada custa 10 euros, e 3 euros para os menores de 14 anos.
O Deportivo ABANCA manda na categoría con 46 puntos; con 3 de vantaxe sobre o segundo clasificado, o Oviedo Moderno CF, que ten 43 puntos.
