Dous partidos este venres 26 de setembro ás 19:15 en Abegondo abren a xornada da fin de semana en ANOSACANTEIRA.
O Cadete, no campo principal, e o Infantil no de herba sintética reciben ao CD Lugo en partido da 3ª xornada na División de Honra.
O sábado 27 sobresae a visita do Xuvenil A ao Real Oviedo, a partir das 16:15 no Requexón.
No Monte, o San Tirso SD Cadete mídese ao Pontevedra CF ás 12:30; mentres que compiten fóra de casa: o Xuvenil B en Oira ante o Ourense CF (12:45) e o San Tirso SD Infantil (na foto inferior) en Salceda de Caselas ante o Escola Fútbol DSF (12:30).
Para o domingo 28 queda a visita do Fabril ao Rayo Cantabria, ás 12:00 no campo de La Planchada en Astillero.
Os fabrilistas lideran a táboa con 9 puntos de 9 posibles, igualados co Real Ávila CF e o Oviedo Vetusta.
Pola súa banda, o Rayo Cantabria, con 4 puntos, transita pola zona media.
Finalmente, os alevíns e benxamíns descansan esta fin de semana posto que disputaron o seu partido da 1ª xornada na Primera Futgal este martes 23.
Iso si, o Benxamín A (na foto principal da noticia) viaxa a Milan para disputar a Strikers Trophy.
O calendario de partidos é o seguinte:
Segunda Federación
4ª xornada: RAYO CANTABRIA - FABRIL, o domingo 28 de setembro ás 12:00 no campo de La Planchada (Astillero, Cantabria)
Clasificación: 1. Fabril, Real Ávila CF e Oviedo Vetusta, 9 puntos; 4. Gimnástica Segoviana CF, 7 puntos; 5. Marino de Luanco, 6 puntos... 10. Rayo Cantabria, 4 puntos...
Categoría xuvenil
División de Honra, 3ª xornada: REAL OVIEDO - XUVENIL A, o sábado 27 de setembro ás 16:15 no Requexón (campo 2)
4ª xornada: OURENSE CF - XUVENIL B, o sábado 27 de setembro ás 12:45 en Oira (Ourense)
Clasificación da Liga Nacional: 1. RC Celta B, 9 puntos; 2. Xuvenil B, 7 puntos; 3. Ural Español CF, Pabellón Ourense CF, Alondras CF, Coruxo FC e CD Lugo B, 6 puntos... 17. Ourense CF, 1 puntos
Categoría cadete
División de Honra, 3ª xornada: CADETE - CD LUGO, o venres 26 de setembro ás 19:15 en Abegondo (campo 1)
División de Honra, 3ª xornada: SAN TIRSO SD CADETE - PONTEVEDRA CF, o sábado 27 de setembro ás 12:30 no Monte
Categoría infantil
División de Honra, 3ª xornada: INFANTIL - CD LUGO, o venres 26 de setembro ás 19:15 en Abegondo (campo de herba sintética)
División de Honra, 3ª xornada: ESCOLA DE FÚTBOL DSF - SAN TIRSO SD INFANTIL, o sábado 27 de setembro ás 12:30 no campo Penedo Redondo (Salceda de Caselas, Pontevedra)
Categoría benxamín
Strikers Trophy, en Milan
Sábado 27 de setembro
Primera Fase
14:30: BENXAMÍN A - AC RENATE
15:30: SMS SLESIN - BENXAMÍN A
17:00: BENXAMÍN A - S. GRIFONE
18:30: BENXAMÍN A - ASD CENISIA
En función da clasificación, os equipos pasarán á Fase Final
