O Club abre a posibilidade de novas altas en todas as bancadas
O Consello de Administración reitera en conferencia de prensa que abre a posibilidade de novas altas de socio en todas as localidadas do Estadio de Riazor. As que están a piques de esgotarse, cos seus número de asentos libres, son:
Maratón Inferior: 25 asentos
Pavillón Inferior: 50 asentos
Pavillón Superior: 125 asentos
Preferencia Inferior Lateral: 10 asentos
Preferencia Inferior: 90 asentos
"Algunha igual acábase nas próximas horas, mañá mesmo", apuntou Augusto César Lendoiro, que quixo agradecer o gran apoio da afección ao equipo no último derbi disputado o pasado domingo en Riazor.
Actualmente, o Dépor suma 24.422 socios, dos cales 8.170 son novas altas. O Club celebrará os 25.000 cun "gran sorteo no que haberá agasallos para todos". Neste sentido, recalcou que o número máximo de socios "brutos, é dicir, sen actualizar o censo que se realiza cada ano a final de tempada, foi de 30.000". Esta tempada, o Presidente cre que é a terceira en número máximo de socios nos últimos 20 anos.
