Juan Francisco Moreno Fortes (Madrid, 11 de setembro de 1988) ten previsto chegar esta noite á Coruña e mañá venres incorporarse aos adestramentos en Abegondo.
A pasada tempada no Deportivo, o extremo madrileño xogou 34 partidos, un deles como suplente. Anotou ademais un gol, ante o Levante en Riazor.
Formado nas categorías inferiores do Real Madrid, foi o Betis o que lle brindou a oportunidade a Juanfran de dar un salto na súa carreira cara á Primeira División, na tempada 2013-14, xusto antes de recalar no Dépor.
