Este martes 4 de outubro ás 13:00 realizarase o sorteo da segunda eliminatoria da Copa de la Reina, cuxos partidos se xogarán o 18, 19 e 20 de outubro.
O acto, que se poderá seguir vía streaming a través das canles oficiais da RFEF, realizarase na sede da Federación na Cidade do Fútbol de Las Rozas (Madrid).
As eliminatorias serán a partido único e, até onde sexa posible, enfrontaranse os clubs de inferior categoría cos de maior categoría. O partido terá lugar sempre no campo do equipo de menor categoría. En caso de ser os dous da mesma división, o choque será no terreo de xogo do equipo que saíse en primeiro lugar no sorteo.
Ademais do Deportivo ABANCA, participan nesta primeira eliminatoria outros 15 conxuntos:
- Equipos de Segunda División Feminina 2021-2022 (12): Levante Las Planas FC, RCD Espanyol, CDF Osasuna, DUX Logroño, Real Oviedo, Alhama CF, CP Cacereño, Granada CF, CD Juan Grande Ginelux, CD Alba Fundación, Córdoba CF e Elche CF.
- Equipos de Primeira Nacional Feminina 2021-2022 (3): CE Europa, Peluquería Mixta Friol e Fundación Canaria CD Tenerife.
En primeira rolda, o Deportivo ABANCA eliminou (5-0) ao CD Parquesol en Abegondo con goles de Millene -3-, Eva Dios e Paula Novo.
