O Dépor ABANCA concluíu este mediodía un verán marcado polo altísimo nivel dos rivais, todos de Primera División excepto o Real Oviedo Femenino de Segunda Federación.
Aínda que é o menos relevante, As Nosas pecharon a pretemporada con 5 derrotas e 2 vitorias; cun balance de 7 goles a favor e 11 en contra.
A peor noticia sen dúbida foi a lesión de Lucía Rivas que lle obrigará a perderse a temporada. A canteirá recibiu unha cariñosa homenaxe antes do último amigable, ante o Real Madrid CF en Abegondo.
Ainhoa Marín e Eva Dios, con 2 goles cada unha, foron as máximas goleadoras. Tamén marcaron Oriana Altuve, Millene e ADT.
O vindeiro domingo 8 de setembro chega a hora da verdade, ante o FC Barcelona en ABANCA-RIAZOR (18:00, Dazn) na 1ª xornada da liga F.
Os resultados de pretemporada do Dépor ABANCA foron os seguintes:
Mércores 31 de xullo
SC Braga 1 - Deportivo ABANCA 0
Venres 2 de agosto
Sporting CP 3 - Deportivo ABANCA 2 ( Eva Dios e Oriana Altuve)
Sábado 10 de agosto
XII Trofeo Teresa Herrera feminino: Dépor ABANCA 2 ( Eva Dios e Millene) - Athletic Club 1
Sábado 17 de agosto
SD Eibar 2 - Dépor ABANCA 1 (ADT)
Mércores 21 de agosto
Deportivo ABANCA 1 (Ainhoa Marín) - Real Oviedo Femenino 0
Sábado 24 de agosto
III Torneo Ciudad de Salamanca: Dépor ABANCA 1 (Ainhoa Marín) - Valencia CF 2
Domingo 1 de setembro
Deportivo ABANCA 0 - Real Madrid CF 2
