O Dépor ABANCA ponse en marcha de cara á Liga F 2025-26.
Este luns 14 de xullo, o cadro deportivista está citado ás 8:30 na Cidade Deportiva para comezar as probas médicas que se prolongarán até o martes 15.
Fran Alonso dirixirá a primeira sesión co grupo o mércores 16 no campo 6 de Abegondo a partir das 10:30 horas.
As futbolistas citadas son a seguintes: Yohana Gómez, Samara Ortiz, Vera Martínez, Henar Muiña, Marina Artero, Paula Gutiérrez, Eva Dios, Olaya Rodríguez, Millene Cabral, Paula Monteagudo, Rosalía Muiño, Ainhoa Marín, Carlota Sánchez, Sara Extremera, Raquel García, Bárbara Latorre, Elena Vázquez, Lucia Martínez, Cristina Martínez, Merle Barth, Colette Cavanagh, Paula Novo, Carmen Carballada, Lucía Rivas, Paula Redruello, Laura Ruiz, Martina Rivas e Antía Veiga.
Non estarán as internacionais Inês Pereira, que se incorpora o 25 de xullo após o seu paso pola Eurocopa; e Michi Apóstol e Espe Pizarro, en competición coa Copa América de Quito.
Primeiro rival en liga, o FC Levante Badalona
O Dépor ABANCA recibirá ao FC Levante Badalona en ABANCA-RIAZOR a fin de semana do 30 ou 31 de agosto no primeiro partido ligueiro.
As Nosas concluirán a liga o 31 de maio de 2026 coa visita ao UD Costa Adeje Tenerife Egatesa.
O último partido en ABANCA-RIAZOR do Deportivo ABANCA será ante o RCD Espanyol o 24 de maio.
