O Dépor ABANCA xuvenil participou na localidade madrileña de Boadilla del Monte no Torneo Xuvenil Feminino, trofeo que reúne aos 16 clubs que conformaron esta temporada a liga F.
Esta mañá, o Dépor ABANCA xuvenil mediuse ao Atlético de Madrid nos cuartos de final.
Caeron (0-2) As Nosas aínda que, con 0-1, a colexiada do encontro non concedeu gol nun lanzamento de Laura Ruiz que pegou no traveseiro e o balón botou completamente dentro da portería.
Anteriormente, as branquiazuis concluíron a Primera Fase con vitorias ante Levante UD e Real Sociedad e un empate ante o Sevilla FC; é dicir, 7 puntos de 9 posibles.
Depor ABANCA xuvenil: Antía Veiga, Elena Vázquez, Emma Gandoy, Paula Martínez, Daniela Macedo, Noelia Mayo, Ángela Cotelo, Yanis Citoula, Laura Ruiz, Laura Santos e Claudia Sande. Tamén xogaron: Ana Capelo e Sofía Rodríguez.
Os resultados do Dépor ABANCA xuvenil no torneo foron os seguintes:
Primera Fase
Martes 20 de maio
DEPOR ABANCA XUVENIL 2 (Noelia Mayo e Emma Gandoy) - LEVANTE UD 0
Mércores 21 de maio
DEPOR ABANCA XUVENIL 3 (Daniela Macedo, Noelia Mayo e Laura Ruiz) - REAL SOCIEDAD 1
Xoves 22 de maio
SEVILLA FC 1 - DÉPOR ABANCA XUVENIL 1 (Sofía Rodríguez)
Cuartos de final
Venres 23 de maio
DÉPOR ABANCA XUVENIL 0 - ATLÉTICO DE MADRID 2
