-Foto:@https://x.com/FutFemRFEF
O Dépor ABANCA xuvenil participa na localidade madrileña de Boadilla del Monte no Torneo Xuvenil Feminino, trofeo que reúne aos 16 clubs que conformaron esta temporada a Liga F.
As Nosas, que onte dobregaron ao Levante UD, impuxéronse esta mañá por 3-1 á Real Sociedad na 2ª xornada. Decidiron os goles de Daniela Macedo, Noelia Mayo e Laura Ruiz.
Con este resultado, as branquiazuis certificaron o seu billete a cuartos de final, rolda á que acceden como primeiras de grupo.
Depor ABANCA xuvenil: Antía Veiga, Elena Vázquez, Emma Gandoy, Paula Martínez, Daniela Macedo, Noelia Mayo, Ángela Cotelo, Yanis Citoula, Laura Ruiz, Dunia Dahmouni e Claudia Sande. Tamén xogaron: Laura Santos, Ana Capelo, Sofía Rodriguez, Aitana Vellón e Martina Santamarina.
Mañá xoves ás 9:00 o conxunto que dirixe Óscar Orro conclúe esta Primera Fase ante o Sevilla FC.
O calendario de partidos do Dépor ABANCA xuvenil na Primera Fase, cos resultados dos xa xogados, é o seguinte:
Martes 20 de maio
DEPOR ABANCA XUVENIL 2 (Noelia Mayo e Emma Gandoy) - LEVANTE UD 0
Mércores 21 de maio
DEPOR ABANCA XUVENIL 3 (Daniela Macedo, Noelia Mayo e Laura Ruiz) - REAL SOCIEDAD 1
Xoves 22 de maio
9:00: SEVILLA FC - DÉPOR ABANCA XUVENIL, no Complejo Ángel Nieto (campo 3)
