O Dépor afronta o partido desta tarde en Carballo con 21 futbolistas
O Deportivo desprázase esta tarde (19:30) ao campo das Eiroas de Carballo, para medirse ao Bergantiños, con 21 futbolistas. A novidade neste sexto partido amigable da pretemporada é o regreso de Saúl. Na bancada estará Fabian Schär, incorporado esta mesma mañá ao equipo.
A directiva do Bergantiños fixou en 5 euros o prezo da entrada de público.
No adestramento desta mañá en Abegondo, cos canteiráns Edu e Francis, o Deportivo ensaiou a presión e a intensidade, neste caso con fútbol en espazo reducido. Un partido once para once de área a área puxo o punto e final ao adestramento sobre o céspede.
Carles Gil e Juan Domínguez adestráronse no vestiario, fóra do grupo, mentres que Fede Cartabia e Gerard estiveron ás ordes do readaptador, Fran Molano.
Ao partir pola tarde, todo o plantel comerá no Hotel Tryp Coruña.
Mañá domingo haberá xornada de descanso. O equipo volve aos adestramentos o luns 24 de xullo ás 19:00 en Abegondo.