Esta mesma mañá, en rolda de prensa, Miku, un dos futbolistas con máis experiencia do vestiario branquiazul, recalcou ante os medios de comunicación que "agora toca pensar en Unionistas e en preparar ben o partido", en referencia á última xornada de liga no grupo 1º de Primera RFEF deste sábado 28 de maio ás 18:30 en ABANCA-RIAZOR (TVG-2, Footters e Fuchs Sports).
Insiste en que este partido ante os salmantinos "vai ser unha preparación dobre para todo o que vén dentro de dúas semanas".
Dito meu feito, após pasar pola sala de vídeo e, xa no céspede, arrancar cun quecemento e uns rondos, Borja Jiménez comezou a trazar o plan para o sábado cun partido a tres cuartas partes do campo 3.
Víctor, Rafa de Vicente e Trilli tiveron adestramento personalizado; mentres que Noel, Yeremay, Alberto e Brais Val foron, á marxe de Trilli, a representación de #ANOSACANTEIRA esta mañá.
Iván Guerrero, un dos canteiráns que está no radar do primeiro equipo, terá que gardar repouso os próximos días debido a unha tendinopatía bicipital distal na súa perna esquerda.
Mañá xoves, o Dépor adestrarase de novo en Abegondo pero a partir das 11:30 horas.
