O campo de A Magdalena de Vilalba acolle mañá sábado 14 de xuño a terceira xornada de 'A Nosa Champions', unha nova competición de fútbol inclusivo creada pola Federación Galega de Fútbol.
Nesta nova xornada forman parte o Dépor Genuine, RC Celta Integra, Racing de Ferrol, CD Lugo, SR Calo e Racing Villalbés como anfitrión.
Os Nosos quedaron encadrados no grupo B co CD Lugo e o SR Calo.
O calendario de partidos dos branquiazuis é o seguinte:
Primera Fase
10:30: CD LUGO - DÉPOR GENUINE
11:15: DÉPOR GENUINE - SR CALO
Os equipos xogarán un partido final a partir das 12:45 segundo a súa clasificación
A Fundación RC Deportivo foi, con gran éxito, a organizadora da segunda xornada de 'A Nosa Champions' o pasado mes de abril.
A única nota negativa foi a persistente choiva durante practicamente todos os partidos aínda que todos os equipos gozaron de xeito abondo da mañá de deporte.
O pasado 24 de marzo, o Dépor Genuine participou na primeira sede en Calo.
'A Nosa Champions' non ten afán competitivo e o seu obxectivo é que persoas con discapacidade intelectual poidan xogar ao fútbol e gozar dunha xornada de deporte e convivencia.