O Dépor perde o partido ante o Oviedo no último minuto (2-1)

  O partido en Lleón ante o Oviedo, oitavo do dez de pretemporada, supuxo o debut de Fede Cartabia coa camiseta do Dépor, hoxe lucindo a terceira equipación. Foi unha das notas destacadas dun partido que ao Dépor se ll

Os primeiros minutos de xogo o Deportivo tivo o dominio do balón mentres o Oviedo esperaba atrás, pero unha xogada inocente do Dépor permitiu aos carbayones porse por diante no marcador. Lux adiantouse para salvar co pé un balón que se marchaba por liña de fondo e o esférico caeu nas botas de Héctor Font que sufriu un penalti. Aínda que Lux acertou a traxectoria do balón non puido parar o lanzamento de Susaeta que adiantaba ao Oviedo no minuto 6.

Ata o minuto 14 non tivo a súa primeira oportunidade o Dépor cun tímido disparo de Cartabia tras unha parede ao saque dunha falta. Máis intención tivo o tiro de Óscar no minuto 21 pero o veterano Esteban atallou sen problemas.

Lux no 25 sacou ben cos pés unha indecisión dos compañeiros da defensa, afastando o perigo cando o Oviedo tentaba irse arriba. O dominio do equipo asturiano prolongouse durante uns 10 minutos e pechouse cun disparo alto de Jonathan Vila.

Nos últimos 10 o Dépor o Dépor apertou, tivo un par de chegadas por banda e acabou atopando premio. Un centro ao segundo pau de Saúl tocouno Rise ao centro da área para que Juan Domínguez, xogándose a cabeza ante Esteban, puxese o 1-1 no marcador.

A última, xusto antes do final, chegou grazas á presión de Cartabia sobre Esteban, ao que arrebatou o balón. A un metro da liña de gol o xogador branquiazul recibiu un agarrón que lle fixo disparar desviado nunha xogada que todo o equipo reclamou como penalti.

No descanso Víctor fixo cinco cambios: Róber, Medunjanin, Juanfran, Luís Alberto e Queijeiro substituyeron a Sidnei, Mosquera, Laure, Oriol e Juan Domínguez.

No minuto 48 unha volea de Juanfran estrelouse na zaga do equipo ovetense. Máis clara foi a de Luís Alberto, que desde dentro da área disparou para que o gardameta local sacase unha boa man despexando a córner. E coas dúas tivo que despexar outro zapatazo do xogador gaditano que a punto estivo de sorprendelo.

O Oviedo comezou co seu carrusel de cambios mentres o Deportivo continuou apertando en busca do gol da vitoria. Chegadas polo centro e por ambos os costados que non atoparon portaría, como o remate de Óscar a centro de Juanfran ou o tiro desviado de Saúl tras penetrarse na área.

A falta de 15 minutos para o final o Oviedo dispuxo da súa primeira oportunidade cun tiro alto de Susaeta. A última para o Deportivo tívoa Luís Alberto xerando outra boa ocasión que se estrelou na defensa e acabou en córner.

O que non a desaproveitou foi o equipo local, gastado xa o primeiro dos dous minutos de prolongación. O xuvenil Cristian Rivera bateu a Lux dentro da área pequena, pondo o 2-1 definitivo no marcador.

RC Deportivo: Lux, Laure (Juanfran, min. 46), Insua, Sidnei (Róber, min. 46), Saúl, Pedro Mosquera (Medunjanin, min. 46), Juan Domínguez (Luís Alberto, min. 46), Óscar, Cardoso, Fede Cartabia (Álex Corredera, min. 57) e Oriol Rise (Queijero, min. 46).

Goles: 1-0 Susaeta -p- (min. 6); Juan Domínguez (min. 39); 2-1 Cristian Rivera (min. 91)

10% de desconto e 4 anos de garantía para #ANOSAFORZA en Louzao

#ANOSAFORZA

1.391 deportivistas xa teñen o seu carné da tempada 2016/17

1.036 socios de Marathón Impar e todos os afectados do día do Sporting serán recolocados ante a Granada

PORTADA

115 entradas á venda o luns en Riazor para #ONosoDerbi