O Dépor ponse en marcha cunha sesión de activación
O Deportivo iniciou esta mañá a semana de preparación do encontro deste domingo 15 de setembro en El Molinón ante o Sporting de Gijón (21:00 horas, Gol), en partido correspondente á 5ª xornada de LaLiga SmartBank.
Após un traballo preventivo e uns rondos, os futbolistas branquiazuis realizaron unha tarefa de posesión e, para concluír, un partido.
Tiveron unha sesión específica Borja Valle, Somma, Longo e Nolaskoain, os dous últimos sobre o céspede.
Esta mañá, os fabrilistas Valín, Mujaid, Gandoy, Javi Sánchez, David Sanchez e Boian adestráronse ás ordes de Juan Antonio Anquela.
Mañá mércores, o cadro está citado de novo ás 10:30 horas en Abegondo.