O Dépor realizará desde este martes 24 de marzo 4 sesións de traballo previas ao partido deste sábado 28 de marzo ás 21:00 horas (LaLiga TV Hypermotion, TVG, GOL e Cayo TV) no Estadio de El Molinón - Enrique Castro 'Quini' ante o Sporting de Gijón.
O triunfo ante o Real Zaragoza en ABANCA-RIAZOR, cuxos mellores momentos podes ver no vídeo a pé destas liñas, e os resultados do resto da xornada deixaron a Os Nosos na 2ª posición de LaLiga Hypermotion con 55 puntos, os mesmos que o UD Almería (3º).
Con 11 xornadas por diante, o Dépor xa suma a día de hoxe 2 puntos máis que os realizados en toda a temporada 2024-25 (53 puntos).
Ademais, a capacidade de competir tamén se mide cando o partido se pon costa arriba. E nese aspecto, o conxunto de Antonio Hidalgo está a mostrar unha personalidade moi clara neste tramo. En 3 das últimas 4 xornadas terminaron con vitoria, e as 3 últimas chegaron após remontar o marcador.
Ese foi o caso dos encontros ante o Real Zaragoza (2-1), AD Ceuta FC (1-2) e Real Sociedad B (2-3).
Máis aló dos resultados, estes encontros reflicten unha característica cada vez máis evidente no equipo: cando o partido se complica, o Dépor non cae. Compite, insiste e atopa a forma de cambiar o guion.
Na rolda de prensa pospartido, o adestrador branquiazul lembrou que "isto é longo, todo está moi igualado. Hai que competir sempre ao límite, indo con todo. O grupo sente".
Para preparar o choque ante o Sporting están previstas 4 sesións de traballo matinais.
A última, a do venres 27 arrincará ás 12:00 en lugar da as 10:30 posto que ao concluír, o equipo partirá de viaxe a Gijón.
A planificación semanal, sempre susceptible de sufrir variación por razóns técnicas, é a seguinte:
Martes 24 de marzo
10:30 h.
Mércores 25 de marzo
10:30 h.
Xoves 26 de marzo
10:30 h.
Venres 27 de marzo
12:00
Sábado 28 de marzo
21:00: Sporting de Gijón - Deportivo, no Estadio de El Molinón - Enrique Castro 'Quini'