A Real Federación Española de Fútbol fixo públicos esta tarde os horarios das dúas primeiras xornadas da temporada en Primera Federación que, segundo o calendario feito público hai unhas semanas, o Dépor disputará como local.
En ambos os casos os partidos disputaranse en sábado e ás 19:30 h. Na primeira xornada, o 27 de agosto, será o DUX Internacional de Madrid o que visite ABANCA-RIAZOR, mentres que sete días despois, o 3 de setembro, o visitante será a Real Balompédica Linense.
Polo momento, non se determinou que cobertura audiovisual en directo haberá para os primeiros partidos da temporada do Dépor 2022-2023.
