Día grande para o fútbol feminino galego. O Deportivo ABANCA, líder do grupo 1º de Segunda División Nacional con 64 puntos, recibe, en partido correspondente á 23ª xornada, mañá domingo 25 de marzo (17:00 horas) en Ponte dos Brozos (Arteixo) ao Oviedo, segundo na táboa con 63 puntos. Así pois, o título da categoría e o consecuente acceso aos playoff de ascenso á Liga Iberdrola están en xogo.
As entradas para este partido están esgotadas desde hai días.
Manu Sánchez, técnico deportivista, citou para esta transcendental cita ás seguintes xogadoras: Anita, Malena, Miriam, Lía, Silvia Mérida, Jone, Kika, Cris, Peke, Oreiro, Gaby, Teresa, Raquel, Michelle Romero, Nuria e Iris.
Festa previa na sede da Pena La Cuesta
La Peña Deportivista La Cuesta organiza mañá unha churrascada na súa sede (Vinoteca La Cuesta, Travesía Oseiro 36, Arteixo) na que convidan a participar a outras peñas e afeccionados do Deportivo na previa do partido.
A sesión vermú e churrascada animada por un DJ comezará ás 13:00 horas e prolongarase até as 16:30 horas, media hora antes do comezo do choque entre deportivistas e ovetenses.
