O Deportivo, moi intermitente, a refachos, só controlou o partido cando o Madrid deixoulle, fundamentalmente no primeiro período, pero tras o descanso e sobre todo despois do terceiro tanto cederon o encontro aos de López Caro. Adiantáronse os locais cun gol en propia porta de Héctor aos 10 minutos de partido, pasada a media hora de xogo Ronaldo rematou a pracer un balón de Roberto Carlos. No segundo tempo, Sergio Ramos de cabeza e Baptista de falta directa remataron a goleada madridista.
Xogaron no Real Madrid: Iker Casillas, Cicinho, Sergio Ramos, Raúl Bravo, Roberto Carlos, Beckham, Guti (Gravesen, min.80), Baptista, Robinho, Zidane (Raúl, min.71) e Ronaldo (Cassano, min.77).
O
Deportivo con: Molina, Héctor, Coloccini, César, Capdevila, Víctor, Sergio (De Guzmán, min.46), Duscher (Manuel Pablo, min.71), Munitis (Gallardo, min. 46), Iago e Tristán.
