O Deportivo chega a un acordo para o traspaso da xestión da Discoteca Praia Club
O Real Club Deportivo da Coruña subscribiu hoxe un acordo con Producións Audiovisuais 15004 para o traspaso da gestión da discoteca e as terrazas da Praia Club, nunha actuación enmarcada dentro da política xeral de desinversion
Producións Audiovisuais 15004 asumirá a partir do 1 de xullo a xestión da discoteca e as terrazas das instalacións de Riazor para seguir mantendo á Praia Club como un dos grandes referentes do lecer coruñés.
Pola súa banda, o Consello de Administración do Real Club Deportivo pretende, con este acordo, sanear a situación dunha Sociedade filial (Deporhostelería Praia Club S.L.U.), que no conxunto das súas unidades de negocio acumula débedas, a peche do primeiro trimestre, por un importe que supera os 2,3 millóns de euros, dos cales máis de 1,8 son con Real Club Deportivo da Coruña S.A.D.
Respecto ao resto de espazos da Praia Club aínda xestionados polo Real Club Deportivo, trabállase na consecución de novos acordos para o traspaso dos mesmos.