O Deportivo logra do Benfica a cesión por unha tempada do internacional sub-20 uruguaio Urreta
O Deportivo e o Benfica pecharon esta tarde a cesión para a próxima tempada 2010-11 do futbolista uruguaio, internacional Sub-20, Jonathan Urretavizcaya, coñecido futbolísticamente como Urreta.
Xoga de centrocampista por ambas as bandas ou de segundo dianteiro e destaca pola súa velocidade e desborde. A pasada tempada estivo cedido polo Benfica no Peñarol, co que conquistou o título.
A incorporación de Urreta é a terceira ata o momento, tras o francés Desmarets e o valencianista Míchel.
