O Deportivo recibe da súa pena de Xapón un amuleto budista
A pena deportivista xaponesa denominada Japoruña decidiu pasar á acción. Os integrantes dunha das agrupacións máis exóticas do Dépor, comprobando a mala serie de resultados branquiazuis, acudiron a un templo budista de Xapón para preparar un amuleto.
No mesmo, na parte lateral dereita sobre fondo branco está
escrito en caracteres xaponeses o nome do club. E na parte lateral
esquerda a palabra Japoruña, como se denomina así á pena. No centro,
sobre a madeira, ten a palabra vitoria.
O contacto en España da pena deportivista Japoruña é un socio
branquiazul, Eduardo Pérez, quen fixo entrega esta noite en Riazor do singular
amuleto, aínda que cunha única condición, "debe estar no Estadio en todo
momento". E aquí quedará.
