O Deportivo partirá este venres 11 de agosto desde a concentración de Vilalba a Tenerife, para disputar o sábado 12 no Estadio de Los Cuartos de La Orotava a XLVII edición do Trofeo Teide, precisamente ante o CD Tenerife. Será o último compromiso de pretemporada antes do arranque de liga do domingo 20 de agosto no Estadio ABANCA-RIAZOR ante o Real Madrid (22:15 horas, Movistar Partidazo).
O equipo viaxa o venres pola mañá ás Illas Canarias e adestrarase o sábado, mesmo día do partido, a partir das 10:30 (hora local) en La Orotava. O regreso á Coruña da expedición branquiazul será o domingo 13 de agosto á primeira hora da mañá.
O plan de viaxe é o seguinte:
Venres 11 de agosto
10:30: Saída en autocar do Hotel Attica 21 de Vilalba a Santiago
13:35: Saída do voo con destino a Tenerife Norte
15:15 (hora local): Chegada aproximada e aloxamento no hotel Be Live Adults Only de Puerto de la Cruz
Sábado 12 de agosto
10:30 (hora local): Adestramento en Los Cuartos (La Orotava)
20:30 (hora local): CD Tenerife - Deportivo, en Los Cuartos (La Orotava)
Domingo 13 de agosto
8:50 (hora local): Saída do voo de Tenerife Norte
12:30: Chegada aproximada a Galicia
