Óscar Marotías Prados (Torrelavega, Cantabria, 25 de agosto de 2001) reforza a zaga do Fabril.
Este futbolista, que pode actuar ben de defensa central ou ben de lateral esquerdo, procede da RS Gimnástica de Torrelavega e firma por 2 temporadas.
Formado na canteira do Real Oviedo, chegou a debutar na antiga Segunda División B (temporada 2020-21) nas filas precisamente do filial carbayón.
A campaña pasada xogou 33 partidos en Segunda Federación coa RS Gimnástica de Torrelavega, e anotou un gol.
Óscar Marotías únese así aos reforzos fabrilistas de Fernando Somolinos, Matías Castillo e Álvaro Santamaría, este último ás ordes de Imanol Idiakez estes días no primeiro equipo.
