Carlos José López García (1 de xaneiro de 1995, Onda - Castellón) reforzará o centro do campo do Fabril.
Este mediocentro, que xogou a primeira parte da tempada (un total de 13 partidos) no Hospitalet de Segunda División B, firma polo que resta de campaña, con opción a prolongar o seu contrato.
Carlos López formouse nas categorías inferiores do CD Castellón, e chegou a militar no primeiro equipo castellonenco.
Cesións de dous fabrilistas
Pola súa banda, o Club decidiu que dous canteiráns continúen a súa proxección lonxe de Abegondo no que resta de tempada.
Así, Hugo Díaz márchase cedido ao Silva; mentres que Alberto Leira xogará os próximos meses no Racing Vilalbés.