O Infantil B do Deportivo participa este sábado 30 de decembro na primeira edición do Torneo Infantil CF Erizana de Baiona (Pontevedra), que se xogará no campo de fútbol Val de Martín.
Na competición, que será na modalidade de fútbol 7, o conxunto deportivista quedou encadrado no grupo 1, co CF Erizana A, Coya, Chapela e Ribera B.
O calendario de partidos da Primeira Fase para o Infantil B é o seguinte:
10:40: CF ERIZANA A - INFANTIL B (campo 2)
11:30: RIBERA B - INFANTIL B (campo 1)
12:45: INFANTIL B - CHAPELA (campo 1)
14:25: INFANTIL B - COYA (campo 2)
Os dous primeiros clasificados de grupo acceden aos cuartos de final, que se xogan xa a continuación.
En liga, o Infantil B marcha terceiro no grupo 1º de Primeira Autonómica con 37 puntos após 17 xornadas disputadas. Por diante están o Orillamar (segundo con 38 puntos) e o Ural B (líder con 39 puntos).
En 2018, o primeiro rival ligueiro será o Atlético Arteixo, a primeira fin de semana de xaneiro.
