O Mercedes Clase A de Louzao e a Yamaha de Manell Motor xa teñen donas

No día de onte celebráronse, ante notario nas instalacións dos partners do Deportivo, os sorteos dos premios á fidelidade dos socios do Dépor durante a Temporada 2016-2017. Como o ano pasado, un vehículo de Louzao, neste caso un Mercedes Clase A, e unha moto de Manell Motor, concretamente unha Yamaha, sorteáronse entre todos os socios que non se perderon nin un só partido oficial en Riazor desde que arrincou a campaña e ata a última xornada ante a UD Las Palmas.

Nas instalacións de Manell Motor, na Avenida Finisterre 335, levouse a cabo o sorteo da moto que leva a socia María del Carmen González Pérez, abonada 5.132 de Preferencia Superior Córner.

Pola súa banda, Louzao, na Avenida dás Mariñas de Perillo (Oleiros) acolleu o sorteo do Mercedes Clase A que leva Juana María Riveiro Leira, socia 7.820 de Tribuna Inferior.

Ambas as gañadoras entraron no sorteo entre outros 2.894 socios e socias máis que non se fallaron a un só partido de competición en Riazor na Temporada 2017-2018. María del Carmen e Juana María recibirán os seus premios no descanso do Fabril-Cacereño do domingo ás 12:00 en Riazor.

Únense ademais, á listaxe de socios que este ano gañaron premios por acudir a Riazor cada partido ou por non fallar a un só encontro da primeira volta, premiado cunha viaxe ao Caribe de Viaxes Orzán.

Gañadores premios asistencia 2016-2017: