O partido do Dépor en ABANCA-RIAZOR deste domingo 20 de abril ás 21:00 ante o CD Tenerife (LaLiga TV Hypermotion) foi declarado polo RC Deportivo como "O Día DÉ..." O Noso Deporte.
Por medio desta proposta, destinaranse prazas do Palco de Honra do Estadio a representantes dos principais clubs deportivos coruñeses como o HC Liceo, Basket Coruña, CRAT Coruña de rugby, OAR Coruña de balonmán, 5 Coruña de fútbol sala, Voleibol Zalaeta, Viaxes Amarelle de fútbol sala, Maristas Coruña de baloncesto, HC Coruña Deportivo de hockey sobre patíns, Balonmán Brigantium, Waterpolo Coruña e 100 Tolos Esgrima.
En cada encontro en ABANCA-RIAZOR esta temporada, máis da metade das localidades do Palco de Honra serán destinadas a un colectivo da cidadanía ou a un sector de #ANOSAFORZA, para facer a entidade máis próxima, dar protagonismo á masa social deportivista e agradecer o seu excepcional apoio unha temporada máis.