O RC Deportivo habilita a prerreserva de entradas para o partido do sábado 27 de setembro ás 18:30 en Ipurúa ante a SD Eibar, correspondente á 7ª xornada de LaLiga Hypermotion.
A SD Eibar puxo a disposición do RC Deportivo un total de 306 entradas, das cales o 40% serán xestionadas e vendidas pola Federación de Peñas (122), e o resto a través do Club (184).
As localidades teñen un prezo de 25 euros, e quedan limitadas a 2 localidades por abonado. Para realizar a xestión, o abonado deberá acceder á web reservas.rcdeportivo.es.
A prerreserva poderase realizar desde a publicación desta nota e até o sábado 20 de setembro ás 21:00.
No caso de que houbese máis abonados en prerreserva que entradas dispoñibles, realizarase un sorteo, cuxo resultado se comunicará aos abonados agraciados o luns 23 á primeira hora da mañá; e así mesmo notificaráselles a forma de pago e como recibir as entradas.
As localidades que non fosen retiradas o martes 24 de setembro ás 18:00 horas serán asignadas aos suplentes que se designarán, así mesmo, no sorteo realizado. O prazo límite para a retirada das entradas será o mércores 25 de setembro ás 18:00.
Por conseguinte, non haberá venda física de entradas na OAD para este encontro.
Será obrigatorio presentar o abono e o DNI do abonado.
