O RC Deportivo habilita a prerreserva de entradas para o partido do sábado 17 de xaneiro ás 21:00 horas no UD Almería Stadium ante a UD Almería, correspondente á 22ª xornada de LaLiga Hypermotion.
O conxunto andaluz puxo a disposición do RC Deportivo un total de 401 entradas, das cales o 40% serán xestionadas e vendidas pola Federación de Peñas (160), e o resto a través do Club (241).
As localidades teñen un prezo de 25 euros e quedan limitadas a 2 localidades por abonado. Para realizar a xestión, o abonado deberá acceder á web reservas.rcdeportivo.es.
A prerreserva poderase realizar desde a publicación desta nota e até o luns 12 de xaneiro ás 9:30.
No caso de que houbese máis abonados en prerreserva que entradas dispoñibles, realizarase un sorteo, cuxo resultado se comunicará aos abonados agraciados o luns 12 de xaneiro; e notificaráselles a forma de pago e como recibir as entradas.
As localidades que non fosen retiradas o martes 13 de xaneiro ás 18:00 horas serán asignadas aos suplentes que se designarán, así mesmo, no sorteo realizado.
O prazo límite para a retirada das entradas será o mércores 14 de xaneiro ás 18:00.
Por conseguinte, non haberá venda física de entradas na OAD para este encontro.
Será obrigatorio presentar o abono e o DNI do abonado.
